لحماية جهازك Macbook pro,iphone,ipad,ipod من السرقة (تجربتي الشخصية)

[CENTER][SIZE="4"]السلام عليكم ورحمة الله وبركاته..

الموضوع عبارة عن قصة حصلت لي مع جهازي macbook pro 13 inch راح اعرض لكم احداث القصة والعبرة منها. نبدأ بسم الله.



يوم من الايام شريت لي لابتوب macbook pro 13 inch من istore والحمدلله كنت يوم على يوم اتعلق به واستمتع بخدماته وكرهت الويندوز.




ولأسف يوم من الايام طلعنا من الشقة ونسيناها مفتوحة جينا بعد اربع ساعات والا لابتوبي الماك ولابتوب خويي السوني انسرقوا:new8::new8: . طبعاً احنا تفاجئنا ولمنا روحنا وقلنا الحمدلله على كل حال . بعدها كلمنا الشرطة وجونا عند الشقه وحكينا لهم القصة وقالوا لنا ما نقدر نسوي لكم شيْ والغلط منكم واذا شاكين في احد تعالوا القسم واعملو بلاغ.
احنا طبعاً يئسنا من الموضوع وقلنا الله يعوضنا وضلينا بحسرتنا.

بعدها بكم يوم دخلت ابحث في النت هل ممكن اقدر اشوف اللابتوب؟ وقرأت وقرأت وشفت اليوتيوب ولكن ماتوصلت لشيْ واضح يرشدني على الطريقة. بعدين كلمت خويي وقال لي نزل برنامج اسمه


find my iphone



بحثت عن البرنامج في Apple store ووجدته وحملته. البرنامج يطلب منك ان تدخل Apple ID الي هو نفسه المستخدم في خدمة i cloud و Apple store في الجهاز المسروق.






دخلت ID وبعدها طلع لي الأجهزة اللي استخدم الحساب فيهم وهم Ipod , و mac المسروق , ولكن الفرحة ماتمت لان البرنامج لم يستطيع تحديد موقع لابتوبي المسروق لان السارق لم يشبك على النت، بعدها تحطمت نفسياً وقلت حسافه , وظليت اتابع اتابع كلمت icare حقين الصيانة وقالوا لي مانقدر نخدمك مالك الا تتابع البرنامج وتنتظر السارق يشبك على النت.

واليوم الرابع من السرقة رحت ابي انام وانا افكر في الابتوب والله حرام ماتهنيت فيه ماصار لي شهر , قلت باجرب باحاول مره اخرى واذا فجأة البرنامج صاد لي مكان الابتوب وطلع لي مكان الابتوب في وسط الرياض:new7::new7:


مثل هذي الصورة (صورة تقريبيه)




بعدها دخلت على اللابتوب وعملت له عن طريق البرنامج ثلاث اشياء وهي :-




1) Remote lock وهي خاصية لكي تقفل الجهاز بكلمة سر تحددها من البرنامج

2) Remote wipe وهي خاصية لكي تخذف جميع البيانات (فورمات)

3) play sound or send massage هذي الخاصية لكي ترسل للجهاز رسالة وراح تظهر للسارق .. انا كتبت له هذه الرسالة فيها رقم جوالي قلت يمكن يتصل لي ( هذا الابتوب مسروق للتفاهم 0566 ....).

وبعد تقريباً ساعة ما اشوف الا رقم غريب داق علي قلت انشاء الله الحرامي .. رفعت المكالمة , كلمني رجال طيب يقول ( السلام عليكم انا عندي لابتوبك وتراني شريت لابتوبك من محل في حراج العليا للكمبيوتر وانا مستعد وعندي الفاتورة ومستعد اوديك المحل او اروح معاك الشرطه) .قلت له جزاك الله خير اللي ابيه منك هو انك تحارسني اجيك من الشرقية بكره ونتقابل معاك عند المحل اللي شريت منه الابتوب.

رحت له يوم ثاني واتفقت معاه عند محل معين ورحنا سوا محل الي شرا منه لابتوبي , تكلمنا مع راعي المحل وقال له الرجال الطيب, هذا الابتوب شريته من عندك امس وطلع مسروق وصاحبه هذا الرجال , والا راعي المحل يرد ويقول اثبت لي , رويته الفاتوره والكرتون والسيريل نمبر.

وقال انا ما اقدر اسوي لك شي كل اللي اقدر عليه انك تاخذ معلومات اللي باع علي الابتوب وتروح تشتكي عند المباحث الجنائية .. وانت خذا الابتوب وروح وانا اتفاهم معاهم (يعني انا صاحب الحق) قال له الرجال الطيب لا انا ما ابي شي حرام , ابي فلوسي وبتوكل على الله. رجع له فلوسه. والمفاجأة الكبرى ان لابتوب خويي (السوني) شفناه في نفس المحل والحمدلله هو جاب معاه الفاتوره .

حسينا ان راعي المحل بدا يتلاعب في الدفاتر ومو راضي يطلع اسم اللي شرا منه البنقالي. راح خويي طلع من المحل وكلم الشرطه

بعد خمس دقايق جانا العسكري المحل وتكلم مع راعي المحل وقال له من وين جبت اللابتوبات قال له راعي المحل شريتهم من عند بنقالي قال له العسكري طيب عطنا صورة من اقامته او معلوماته شويه راعي المحل تبهدل قام يدور يدور يدور وماحصله قال انا عندي دفاتر كثيرة وماشفت الاسم .. قال له العسكري خذوا الابتوبات وامشوا على القسم حي السلمانية . رحنا سوا هناك ودخلونا على الضابط وقامو يحقق معانا وبعدين حولوا القضيه على قسم الروضه . والى الآن التحقيق مستمر.
والشرطه قالوا لي احنا مطرين نحتفظ بالابتوبات لين مايخلص التحقيق لأنهم راح يحققوا مع راعي المحل عشان يجيب لهم البنقالي اللي باع عليه الابتوب.

والحمدلله رجعت الشرقية وقلبي مطمن ان الابتوبات الان في حوزة الأمن و انشاء الله راح يرجعوا بعد التحقيق. ادعوا يخلصوا المعامله في اسرع وقت:new8:.



العبرة من القصة يا اخوان هو كالاتي:-
1) اي شخص يملك جهاز ماك, ايباد , ايفون , ايبود لازم يسجل في خدمة icloud


وتفعل خدمة find my iphone ,واذا مافعلتها ماراح يبين لك موقع الجهاز.




2) لو حصل اي سرقة لجهازك لازم تبلغ عليه عند الشرطة حتى لو يئست ان تحصل عليه.

3) احتفظ بالفاتورة وكرتون الجهاز في حالة انك اطريت لتثبت ان الجهاز ملكك.

4) عند سرقة جهازك ثبت برنامج find my iphone على اي جهاز apple أو تدخل على هذا الموقع https://www.icloud.com/ وراح تحصل على الجهاز بإذن الله.

اتمنى انكم استفتوا من الموضوع , ولا تنسوني من دعائكم